الاثنين، جويلية 30، 2007

اتحجبتي ؟؟؟ برافوا عليكي


يا سادة يا مادة يدلنا و يدلكم للخير و الشهادة.

ما نعرفش كيفاش الامور عندكم في بلادكم, اما في بلادنا, نورمالاند, كل أنسان عندوا حرية تامة في ما يخص شنوة يلبس و الاّ في شنوّة يعتقد بالطبع اذا هالمواطن الحر ما تعداش على مواطن غيره بأي صفة يعاقب عليها القانون النورمالاندي.

بالفلاقي, كانك داهن شعرك بالأخضر و عامل 500 بلّوطة في بدنك و الا كانك مربي لحية كيف تمشي تعثر فيها و الا كانك تعتقد انه رونالدينوا هو المهدي المنتظر … هذاكا يخصك انتي و ما يخص حتى حد غيرك مادامك مستكفي برويحتك وما أجرمت في حق حتى حد.

انا سخشيا, و اعوذ بالله من كلمة سخشيا, نحترم كل فتاة اختارت باش تلبس الحجاب مادام هي مقتنعة بيه في اطار النورموقراطية .

لكن الي ما نحملوش انا يتعدى كل ماهو لباس و معتقد … لانه ورى برشة حجابات, و رى برشة جيب ميني, و رى برشة لحي و ورى برشة مراول تشيقيفارة و ورى برشة سراول باليّة تلقى تسطيكة بقري !

و الادهى و الامر وقت الي جماعة مسطكة موش فاهمة مالدنية شي يحاولوا باش يمانيبوليوك بطريقة بهييييمة ياسر.

كيفاش تراه ؟ حلوا وذانكم و اسمعوا هالحكاية من عند عمكم القوفرنور :

في نهار من النهارات كنت قاعد في قاعة شاي (هي قهوة كيف القهاوي الكل اما الكاس تاي بدينارين موش ب300) … عاملين كيف القهاوي الكل تلافز كبار هذوكم الي يعديو فيهم الكليبات بو دورو. ما بين فخض هيفاء وهبي و بزازل أليسا و الدرياار متاع نجلاء التونسية (ديزولي …ثقافتي محدودة في مجال الكلب العربي..هذوك الاسامي الي نعرفهم.) جاء هالكليب الي عامل روحوا يشجع في البنتّة باش يتحجبوا.




شفتوا ملاّ مستوى وصلولوا العرب ؟

انا –يا جماعة- هالكليب انجّم نكتب عليه دوكتورا كاملة لمدى تمييعوا للأسلام و المسلمين و لسوء النية الي يتضمّنها لا لشيء الا للأشهار لطريقة تفكير سلفية تنفي و تحرّم الكليبات و الغناء من جهة و تدعم ماديا كليبات هابطة و مائعة من جهة أخرى.

1- السيد فرحان على خاطر صاحبتوا تحجبت و كأنه ما كانش يحبها و ولىّ يحبها كان وقت الي تحجبت و في اخر الكليب عرّس بيها يعني : كانك مصوحبة و تحبي تعرسي …عليك بالحجاب

2- السيد فرحان على خاطر بنية عمرها 6 و الا 7 سنين تحجبت … امر غير مفروض بتاتا , و موجود بكثرة عند السلفية. و زيد – من دون زميلاتها الكل- يجازيها هي بطبلية شكلاطة. بينما الاسلام الحق ينادي بالمساوات و العدل. في اخر الكليب نلقاوا زميلاتها تحجبن : تحجبي ندعموك ماليا , تحجبي بمقابل الاغراءات المادية.

3- بنية تتفرج على الكليبات … هالكليبات عاملين عليهم ماسك. بمعنى : الفرجة على الكليبات لا تجوز …لماذا اذن عامليبن هالكليب اذا الكليبات حرام؟

4- بنية صغيرة عمرها 6 سنين تقحر لأختها الي عمرها في ال26 و كأني بها تتهمها بالفجور ! اين براءة الطفولة في عيني الفتاة ؟ اين السماحة و الاخلاق الاسلامية النبيلة في ذلك ؟ اين احترام الصغير للكبير ؟

5- بنية صغيرة تفك التيليكوماند من أختها و تنحي الصوت. بمعنى : الغناء حرام …علاش عاملين غناية تقول الي الغناء حرام ؟؟؟

6- البنية الصغيرة تمشي تصلي و بطريقة سلفية. توضيح : حسب الشريعة الاسلامية اذا لم تسدل يداك (كما يفعل المالكية و غيرهم وهو آخر فعل الرسول صلى الله عليه وسلّم) و أردت القبض فيجب وضع اليد اليمنى فوق اليسرى و ذلك فوق موضع الصرّة و موش كيف ما عاملة البنية و برشة سلفيين..فوق الصدر)

7- الفتات الشابة تضع الحجاب بعد رأيتها لمجلاّت موضة. بمعنى : الحجاب موضة … ما تكونيش ديمودي …

8- البنية تقابل صاحبها و هي متحجبة … يمسها من بعيد لبعيد … ينحيلها … خيط من حجابها و يعمل بيه خاتم و يلبسهولها. بمعنى : تحجبي و من بعد الامور تسهال …شيخي امورك معى صاحبك … كان لزم بزواج عرفي (خاتم امبروفيزي).

ربنا يهديكم انتوما يا الي تميعوا في دينكم و يالي الجهل كلالكم قلوبكم.

هناك 8 تعليقات:

غير معرف يقول...

بسم الله الرحمن الرحيم
السلام عليكم و رحمة الله و بركاته
أول حاجة يا خويا نتصور من ثقافتك عندك فكرة على المذاخب الأربعة و الأئمة الأربعة إلي أسسو هال المذاهب الأربعة، الصلاة بقبض اليمنى على اليسرى في مستوى أسفل الصدر تتسمى صلاة على المذهب الحنبلي، موش صلاة بالطريقة السلفية، ثانيا الصلاة بإسدال اليدين قلت انتي الي صلاها الرسول صلى الله عليه و سلم في آخر عمرو، يعني قبل صلى بطريقة أخرى، هذا حسب كلامك، و ما فعله الرسول صلى الله عليه و سلم يعد سنة. يعني الي انت تقول عليه بالطريقة السلفية هو في الأول و الاخر سنة!
أما انت متغشش خاطر هما خالفوك و ما صلاوش كيفك بإسدال اليدين، هذا طبعا إذا كان أنت تصلي، خاطر ماهو تعرف هنا في بلادنا حرية تااااامة، انت حر تصلي ولا ما تصليش.
و من بعد نحب نحكي شوية على كلمة السلفية إلي قلبتو الدنيا و ما رجعتوهاش عليها، سلف في العربية يعني سبق، و السلف الصالح هما المسلمين اللي سبقونا و الي هوما أحسن هذه الأمة كيما قال رسول الله صلى الله عليه و سلم، و كلمة سلفية هي نسبة لهؤلاء، صحيح ولا لا؟ امالا مالك بن أنس هو زادا من السلف، خاطرو من القرون الأولى بعد قرن الرسول صلى الله عليه و سلم، و انت كيف تنسب روحك ليه و اطبق دينك على مذهب الإمام مالك فأنت في لغة الضاد سلفي يا خويا...
على كل حال نرجعو للكليب، حرام عليك تنسبو للسلفية، علاش خاطر لبنية صلات بالقبض؟ ماهو قلنا هي صلات بالمذهب الحنبلي على خاطر البلاد الي جاية منها المنتشر فيها هو المذهب الحنبلي و موش كيفنا المالكي. أوكي؟ و تو باش نحكيلك على روحي، أختك المسلمة، أنا قاعدة نحاول قدر المستطاع نطبق شرائع ديني إلي هو الإسلام و نحاول نرضي ربي قد ما انجم، و باش ما نغلطش، زعمة شكون باش نتبع؟ باش نتبع رسول الله صلى الله عليه و سلم، باهي ثمة حاجات ساعات يصعبوا علي، خاطر أنا مانيش نبية، مالا شكون زعمة عباد كيفي و ما همش أنبياء و أنا متأكدة الي هما طبقو الدين كيما لازم يكون؟ ما يكونوا كان الصحابة اللي زكاهم ربي في القرآن و التابعين الي لمولنا الحديث و زادا أثنى عليهم رسول الله صلى الله عليه و سلم. كان غلطت صلحني يا أخي. المشكل الي أنا كيف نعمل هكايا، أنت ولي كيفك باش تسميوني سلفية! لكن ما يهمنيش، كلامكم ما يعنينيش إلي يهمني و يقلقني هو انكم تنسبو في حاجات للناس الملتزمة و اللي انتوما تسميو فيهم سلفيين و تسميتكم صحيحة لغويا لكن انتوما فاهمينها خطأ على أنها فرقة و زاد عاونكم في الفهم الخاطئ شوية جماعة يدعيو أنهم سلفيين لكن عملوا حاجات لا تمت للدين بصلة، انت قلت الكليب هذايا يعمل في اشهار للسلفية، ولا عندو علاقة بالسلفية.. كانك جاد في كلامك سامحني منك، راك ما فهمت شي، و كانك عامل روحك موش فاهم باش تلصقها في السلفية، سامحني وقتها ما تستاهلش تكون عندك مدونة اسمها المدونة التونسية و الناس تقرا و معملين عليك باش يخذو نبأ يقين في ها الدنيا الي تملات بالكذب و الكذابين...

الكاتب يقول...

شكرًا على هذا النصّ الهامّ

حقيقة أمر مقرف هذا التكالب الإسلاموي الذي صار يحاصرنا من كلّ اتّجاه في الوطن العربي. الجماعة يتصرّفون وكأنّهم أوصياء علينا وعلى ضمائرنا. ينظرون الينا وكأنّنا قصّر في حاجة الى نصائحهم الثمينة كي نهتدي الى الصراط المستقيم..انّهم ببساطة لا يعرفون مامعنى كلمة حرّية الإختيار التي يتشدّقون بها_ولهم كلّ الحقّ في ذلك_ للمطالبة ب"حرّيتهم" في تغطية رؤوسهم...

@ سلفية: بالله قبل ماتجي تحكيلنا على الصحابة الأخيار والخ الخ برّه أقرا تاريخ الإسلام(التاريخ الحقيقي موش المبهرج متاع عمرو خالد) وتوّ تعرف انّ الصحابة والتابعين اللي تحكي عليهم كانوا بشر كغيرهم . كانت لهم أخطائهم الفادحة ، بل خطاياهم، وتآمروا على بعضهم من أجل السلطة والجاه. بل وطوّعوا الذين من أجل ذلك.

أمر أخر الإلتزام ماهوش كان بالتذيّن. ينجّم يكون الإنسان ملتزم بقضايا وبمبادئ من دون وازع ديني...

يُفهم من تعليقكِ انّك ممتعضة من "الحرّية التامّة في بلادنا" التي تسمح للبعض بأن لا يصلّي.. ان شاء الله مانكونش فاهمك بالغالط يا أخختااااه

nobody يقول...

hmmmm...

غير معرف يقول...

hmmm...

غير معرف يقول...

الله يهدي المسلمين

http://directory.7oll.com

غير معرف يقول...

Clip 9ema fel rakaka wal balda.

ye3tamed 3ala assalib el dine men ta7ssis bel dhaneb, wa targhrib we tajrim (takfir) el ghayer l2enou ma 3andouch nafess el eltizam el 3a9a2idi...

ya3ni be e5tissar La yardha 3alayka al moslimouna 7ata tatabi3a melatahom !!!

غير معرف يقول...

Distributor & services hard to find parts and equipment produced in Russia or/and Soviet Union, including electronic components, electrical & electromechanical parts, integrated circuits, etc.

Best wishes,

Alexander

please contact us:
e-mail :stock-nelikvid@mail.ru
fax: +38.067.236.8637
skype: radiodetali123

غير معرف يقول...


Покупаем неликвиды с заводов оптом

ICQ 177-211-010
tel:+38(095)8561468
Руслан

СНЦ14-22/76Р-1-а(б,в,г,д,е)(У)В
2РМТ33КУЭ7ШnВ(А)1(ЛБ)В
Соединитель GST18I3K1-S 15 30SW
Разъем RST20i3 96.031.4153.0 -96.031.4153.0 Запрос WE
Соединитель GST18i3K1BS 25 20WS
Разъем на плоский кабель 2х13 (м) (IDC-26)
Шлейф Nokia 6270 +коннектор [5шт]
Клеммный соединитель ЗВИ - 5
Sony Ericsson W595/C905 Нижний разъем 7дн
2РМДТ18БПН7ГnВ(А)1(ЛБ)В
СР50-23ФВ СОЕДИНИТЕЛЬ РАДИОЧАСТОТНЫЙ. 1990-2010 ГОДА.
СР50-726ФВ/соединитель 90-95г
ОНЦ-БМ1-76/22В12-1(2-20)В
Разъем 2рмд24б10г5в1
Соединитель GST18i3K1BS 15H 60SW
1-104G, Разъем аудио 6.35мм "шт" моно металл "позолоченный" на кабель
2РМДТ45Б50Ш8В1В разъем
ВВТ5ГШ-9000 разъем 90
Разъем питания 2 конт. (м) шаг 2,00 (MU-2F)
MDR-68F/разъем угл
2РТТ36КПЭ7Ш19В
РП10-22 `З`-П-О розетка группа Разъемы ---10505
Соединитель RST20i5 96.452.4003.1
ШР16У1ЭШ3 розетка рос Коннектор
ШР60П31ЭШn-К
РБН2-23-18(26,34)Ш7В
SD-13B для карт SD Разъем 7дн
Разъем 2рмт39б45ш2в1в вилка
3-190, Разъем питания 4.75x1.7x9.5мм шт пластик на кабель
Соединитель GST18i3K1BS 25H 20SW
СНЦ23-43/36В1(2,4,6,8,11,12,13)(а,б,в,г)В
Разъем а/м №11 20pin двухряд. (28x9,5mm) 11 проводов
СР50-430ФВ группа Разъемы ---811613
РГ7КП-5Г4Т-В "Коннектор" 5 87
Разъем "Speacon" 4FC (вилка 4 контакта на кабель)
РГ1КП-Г3Т-П3-В "Коннектор" 5 86
Разъем DC-030
РБМ4-55-Ш1(2,3,6,7)-(5)В
Разъем 220В (м) на кабель, 3 конт., прямой угол (AC-102R)
2РМГ24БПЭ19ШnЕ1(2)(Б)
Разъем RST20i3 96.032.1051.4
4РТ28КУЭ4ШnОВ
Соединитель болтовой со срыв. болтами СБ 500/630
Разъем 9 pin (м) на кабель зажимной (DBI-9F)
1-290 GR, (RS-104), Разъем RCA "гн" металл на корпус, зеленый
РРС5-19-7-1-В
Разъем RST20i596.052.4051.4
Разъем а/магн. PANASONIC CQ RD 400(210)
РС10ТВ
2РТТ32БПН1Ш12В


16594