أيا قلنا السلام عليكم و رحمة الله تعالى و بركاته
قالك يا سيدي يا ابن سيدي كان فما مؤدب يقري في الصغيرات و يحفظ فيهم في القرآن . نهار من النهارات و هو يخدم على روحو جاتو قضية أكيدة . قال برا أنا مانيش باطي خلى الزغزغ قي الحانوت و توكل على الرحمان….
رجع سي وخينا بعد ساعة من زمان . دز الباب. دخل يلقى الأولاد الكل كبش و نعجة!!!! الراجل مسكين داخ ما فهم شيء ! دخل بعضو منها ولى يسب و يعيط في شبيبة فاسدة في البلاد خلات ,هاو دار عليهم بالضرب هاو زاد ضرب راسو عالحيط لين تلمت الناس عليهم , عاد فم فين كلات بعضها قد قد ,ولى هو المطلوب .
الحاصل ما نطولش عليكم بالحديث هج لبلاد الغربة قال لعل الوضع غادي يكون خير
برا يا زمان و ايجا يا زمان ,عشرين عام تعداو , استاحش تراب البلاد لعزيز الغالي و النسمة متاع عقاب العشية و الركشة في الحوينت متاعو والتاي و الشكبة وهات من هاك اللاوي
عمل بالرأي روح. كيما مشى كيف ما جاء. ايد فارغة و الأخرى ما فيها شيء!!!!!
…
اول ما حط رجلو في البلاد حس بروحو تفرهد شوية . مش ارتاح في فندق و منو غدوة قام فجاري يدور في البلاد و يشوف في أحوال البهايم قبل العباد . يلقاها ولات شيء آخر ما يتصوروش عقل سيء عماراتشيء ادارات .شيء كراهب و شيء موتورات. شيء عري و شيء قري( بثلاث نقاط على القاف )تطور و ازدهار ما يتصو روش عقل !!!!
برا هو شاقق الكياس الجديد الي عاملينو في وسط البلاد خطاتو شعرة لا يمشي
تحت ليموزين(pieces détachées)
هو ميزال متمسمر في بلاصتومن الفجعة و يهبطلو وحيد فيه زوز ميترو . هد عليه تقول باش يكور بيه !!هو وصلوا قد قد بدي حمل فيه و يبوس الدمعة هبطت من عينو و هو يقلو سيدي المؤدب تفكرتنيش ?? منها هزوا معاه غداه و عشاه و يتو بحداه وهو منو غدة وصلو للوتيل الي ساكن فيه .قبل ما يمشي سألو المؤدب بربي ولدي انتي من الواقفين ولا من القاعدين . ضحكلو وقالو من القاعدين.
برة خرج يدور حبس قدام بانكة و قعد باهت في عجب ربي . منها خرج واحد الحطة و البرفانات و الهيبة متاع رجل اعمال لا قبلو لا بعدو . ما نطولوهاش و هي قصيرة طلع تلميدو زادة و كالعادة طلع من االقاعدين
برا هو مروح عثر في واحد قاعد يتسول بحدا جامع . عرفو و منها سلم عليه و سألو على أحوالو وآ ش عاملة الدنيا معه . منها قبل ما يخليه يندب على زهرو سالو من القاعدين و الا من الواقفين. هبط راسو و قالو من الواقفين !!
هو ماشي في نفس النهج يلقا اعوان البلدية يلمو في الزبلة . شب في واحد منهم و قالو موش انتي فلان . غزرلو و قالو لا يا بابا هاداكا خويا هاونا قي الحبس حاشاك . طلع قلاب و هاونا ميزالو مديدة باهية باش يطلع .
برا مشالو و زارو باش يسألو من أنا جماعة . طلع من الواقفين
بعد جمعة ركح أومورو و روح لدارو و قعد يخمم آش باش يعمل
لين نهار من النهارات قرر حتى هو يولي من الجماعة القاعدين. مشى مع الفجر لسوق العبيد و شري واحد وصيف مطابق للمواصفات متاع الوصيف المثالي
زازو الاثنين للدار. شربو كويس تاي .منها قام المؤدب و قال للوصيف ايا حضر العدة متاعك باش نبداو نخدمو على رواحنا
وخدا وضع الانبطاح و الوصيف واقف وراه . ميزال يسخن في الجو و باش يبدا يلعب العابو. هوما هكاكة و يسمعو في الباب دق و واحد يعيط اجري يل سيدي اامؤدب القاضي مات و عينوك في بلاصتو
قام المؤدب يصيح على الوصيف:كان هادا حكان و برة دخل دخل فماش ما نولي الوالي!!!!!!
.
ليست هناك تعليقات:
إرسال تعليق