دار هذا الحوار بيني و بين أمل بنت الجيران و عمرها 5 سنوات
انا- ايجا بنتي هات بوسة؛ محلاها محلاها هل البنوتة؛ او محلاها هل المنقالة؛ آش كون شراهالك؟
أمل- بابا
انا- تراه انشوف؛ اوه هايلة هذي؛ تي هاهي مازالت بالوقت القديم؛ هات خلي انبدلها او نزيدها ساعة.
أمل تضحك- علاش تزيد فيها؛ آخي شبيها غالطة؟؟؟
انا- لابنتي ماهشي غالطة اما ماهم زادوا ساعة
أمل- علاش عمو زادو ساعة؟
انا قلت في خاطري والله هذا سؤال صعيب- باش يقتصدو في الضو بنتي.
امل تبدي علامات استغراب و كنت اعلم انها لم تفهم شيئا. او علاش عمو يقتصدوا في الضو؟
انا قلت برا عاد آش باش يسلكني توة- بنتي باش الدولة تربح برشة فلوس.
امل- صحة ليها؛ الدولة هذي عمو متاع شكون؟
انا و ليت توة آش يسلكني بركة- الدولة متاع الناس الكل بنتي. متاعنا الكل.
امل- معناه حتى انت عمو باش تربح فلوس.
انا- ايه بنتي انا او انتي او الناس الكل.
فرحت امل مسكينة و يظهرلي حست روحها ربحت برشة فلوس عاد قلت مانخليهاش هكاكة خرجت دينار او مديتهولها و قلتها- هيا بنتي هاهو بايك من الربح برة اشري بيه شكلاطة او شيّخ روحك عاد. او مشات فرحانة هذاكا حدها و أكيد راهي باش تقعد ترحم على الدولة حتى لن ينوب ربي او تولي تفهم.
عاشت تونس الجميلة حرة مستقلة
هناك تعليقان (2):
tres interessant ton blog, sauf quelque sentences comme (vive la tunisie libre et independante) on est plus dans les années 50.
tu fais bien les choses, alors pourquoi pourir tes postes par des phrases aussi infertiles.
bon courage
c'est ton blog alors tu dit ce que tu veux,histoire trés interessante el bennouta mte3ek, ama netsawer ghadhek eddinar :p:p
إرسال تعليق