الاثنين، جويلية 30، 2007

عاشت تونس الجمهورية حرة مستقلة







- هيا يا بشير سيب الجباد خلي نشيشو معاك

- شيهمك في خليني نشيش

- يا ولدي راهو ما يجيش منوا تشد الجباد وحدك

- مو قلنا لا تي شبيك كعرار

- براس العزوزة أملص الكازي تي سفاح نابل سيبوه و إنتي عبدت الجباد لا حد ياخو معاك باي؟

- أنا هكة وكان ما عجبكش طير قرنك, نشيش وحدي اللعبة ديما عالزي

- بصحتك والله بصحتك , عطاك الوقت

- نهبطلك كاس تاي؟ أ ما علي شرط نشربوه معا بعضنا.

- ما عنديش الحق في حاجة متاعي وحدي؟ ما نحب حد يقسم معايا سبحان الله

- تي لقيت و تتشرط زادا؟ إلا ما عجبكش الحال برا يا خويا هج

- القهاوي الباهين الكل بالكارت مومبر و أنا كارتي ما دخلني كان هنا

- شوف كيفاش ترسكي, عندي نسيبي ممكن يتصرفلك في كارتة

- يعمل الله توا نشوفو حل, حقا سمعت اليوم عيد الجمهورية وعنا 50 سنة مالي برقيبة يرحمو نحا الباي و نحا نضام الملوكية.

- يعتيك الصحة قداكش دقو,آه مثقف سامحني.

- أهوكة زاده سيبو محمد عبو

- يحرز وقفولو الصحاح.

- هكا ولا هكا ما كانش مازال مطول, من ثلاثة سنين و نصف عدا عامين و نصف

- و شنوما المواضيع الللىتجبد فيهم يا ولدي ضم فمك و أهفت لا تراصيلك في قلبو

- باهي هاني سكت , هات الجباد خلي نشيش معاك

- موش قلنا لا؟

كيما يقول المثل: إلي جابها إل زكو الله لا تفكو.

باش حامبة, ألعبلو براسو.



مخ الهدرة الي يحب الجباد يا يفكو؟ يا كرومتو تتفك.





تنبيه هام: التدخين مضر بالصحة.



هناك تعليق واحد:

mareko asd يقول...

عزيزى العميل لكى تضمن نظافة مسبحك وسلامت فان شركة شام المثاليه بالدمام تقدم لكم افضل الخدمات فى هذا المجال وشركة تنظيف مسابح بالدمامهى الافضل فى هذا المجال لما تتمتع به من سمعه طيبه فى الدمام والمنطقه الشماليه والخبر ...نحن نلتزم بالمواعيد ..ونعمت باقل الاسعار ..اطلبنا تجدنا بجوارك