رحلة إلى مصر

حكايات

ياسيدي بن سيدك مشيت مرة لمصر...
عن طريق الجماهيرية الشقيقة ........
وشقينا برور و وديان ..................
و وصلنا لمصر بعد 3 أيام ...........
من التعب و الإرهاق إلي ركبنا .....
و باعد مابدلنا البلايك متاع الكار ....
على فكرة البلايك في مصر يتبدلوا ...
مثلا دخلنا على الحدود من شيرة السلوم
موش السلوم متاع صفاقس ......
يبدلولك البلاكة بوحدة ..............
مكتوب عليها حدود السلوم ..........
و النوامر مكتوبة بالهندي .................
الحاصيلو فيها نقط و V و ماتبعها .........
وبعد مادخلنا لمصر الشقيقة ...........
ومشينا من مرسى مطروح ...........
الحاصيلوا بلاصة روعة ............
تعمل ستة و ستين كيف .............
جايا على البحر....................
وفيها منظر!!!!
الحق ماريتش كيفوا ...........
وخوكم تبحبح و عمل شيشة و ساقيه في الماء
الحق أول مرة نتفرهد هكا ................
الشيشة خفيفة بعد العشا الرايع ..........
نصف دجاجة و Sausse أبب ...........
و نهارتها صارتلي طرفة ...............
جابولي صحفة صغيرة ................
فيها حاجة بيضا الحق حسبتها مايوناز......
و بما أنوا أنا و المايوناز مانتفارقوش ............
هزيت 3 مغارف كبار و حطيتهم على الفريت
و بديت ناكل .........
و فجأة تحرق حلقي ..........
وليت نكح وصار فيا ...........
ولساني تشوشط من الداخل ...........
ياخي طلعت المايوناز هية الطحينة .......
إي نعم ...............
حاجة مليانة كمون و فلفل أكحل ............
وحارة ..............
وصار في خوكم مانحكيلكمش.........
وبعد قصدنا ربي للقاهرة .........
وصلنا الصباح 20 كيلوا قبل مصر ........
بين قوسين مصر هي القاهرة الكبرى ..........
و تلمد ثلاثة ولايات كيف تونس الكبرى ........

مشيت كأي بشر لبيت الراحة حاشاكم .........
و بينتنا باش نحكيلكم على بيت الراحة .........
إلي تقلقوا الحكاية هذي ...........
يتعدى ديراكت لفقرة إلي من باعد ...........

ياخويا كل شين هضمتوا في الدنيا هاذي ......
أما برجولية فما هاذي الحاجة مافهمتهاش ........
دخلت للبيت .......
نلقا سبالة في الساس ..........
و ما فماش تايو بحذاها ...........
سألت روحي .................
بربي السبالة وحدها اشنية محلّها من الإعراب
قلت ...................
بالكشي شاس متاع ماء .............
ياخي كيف ثبت من الفوق لقيت شاس ......
قلت هات ندورها ونشوف اش بيها .........
دورتها شويا .......
ما فما شي ..........
والو.............
ياخي دورتها بالقوي ..........
وياسيدي...............
حسيت بشين طالع من لوطا ...........
ياخي قمت مفجوع ..........
ياخي نلقا التايو الي مافماش ......
عمالينو من لوطا ..........
حاطين تايو حديد ..............
و الماء طالع منوا ..............
الحق َAstucieuse أما ..........
الي ما يعرفش كيفي ..............
ياكل فجعة الي هيا ...........


الحاصيلوا ..............
الهوني وفات حكايتنا ........
و الي نقز هاكي الفقرة ..........
يفهم روحوا ...........
و الي فات فات ..........
فهمتني ؟؟؟؟