السبت، أفريل 28، 2007

عيطة وشهود على ذبيحة قنفود

Thysdrus

أنا قليل باش نكتب بالعربي ولا باللغة الدارجة ولكن ما دام الموضوع اللي باش نحكي عليه يهمنا إحنا التّوانسة بالأساس قررت باش نكتب بلهجتنا التونسية أنا محسوب عندي قرابة عامين ملي بديت البلوغ هذا وما نحسبسشي روحي قديم في البلوغسفير على خاطر فما برشة سبقوني على كل مخ الهدرة في ها العامين عمري ما ريت نوعية متاع تدوين ونوعية متاع تفكير قد الي شفتو تو ثلاثة ولا أربعة أيام لتالي الدنيا خلات وجلات ووقفت وما قعدتش من وقت الي مجموعة من التوانسة عملو بلوغ خاص بيهم وسماووه "غاي تونيزيا"تو بربي قولولي أش بينا التوانسة من زبيبة نسكروا ونموتوا على الفضائح وقالي قتلك ما عادش نضرب ضربة في البلوغسفير وهاني باش نستقيل من البلوغسفير واللي عملنا خطبة متاع جمعة ولي يستدعى لميتاب خاص بلي غاي ولي دورها مفتي وبدا يجيب ويجلب ويتفقه في الدين ويعطي في الدروس والمواعظ حصيلو قيّموا القيامة وناس تسب في بعضها ياناس راهو ما يخرجشي علينا التوانسة راهو البلوغسفير ما هيش ملك زيد ولا عمر راهي البلوغسفير ما هيش بواتة يدخلوها كان الكوبل إكزيجي يا ناس خافوا ربي وكل واحد يستكفى بنفسو ويصلّح روحوا قبل ما ينقد الناس الأخرين الحقيقة إلي إحنا في تونس مع الأسف نموتوا عاى تشعيل النّار وهات شعرك نمشطلك وما عندنا كان الكلام أما الذريع يجيبوا ربي نتذكر وقتلي فما بلوغير قال إلي هو ملحد وحب يدخل في البلوغسفير الدنيا هاجت وماجت وقريب نحكموا عليه بالرّجم حتى الموت وتوة الدنيا مقلوبة على خاطر جماعة حبوا يشاركوا في ها البلوغسفير تي يقول القائل أش يهمنا فيهم اومو ولا نظيف اش نوة الي مقلقكم أنا بصراحة فديت من ها التحجر والتبلّد الذهني الخطير على خاطر إحنا في تونس اناديو بالتسامح والإعتدال وقبول الآخر وما تقولوليش كل حاجة في بلاصتها التسامح والإعتدال وقبول الأخر مبادئ سامية وكل لا يتجزّا مش هذا سنة وهذا فرض يا خويا فهمونا أش نحبوا من تونس نحبوها متفتحة ومعتدلة ومتسامحة ولا منغلقة ومتطرفة قولولي اش نوة النظام المجتمعي إلي يحبوه التوانسة ويزيونا من النفاق والترهدين وتضييع الوقت في حاجات ما ليها معنى حتى واحد ما ينكر الي تونس بلد عربي ومسلم ولي عندنا تقاليدنا وتاريخنا وثقافتنا الي يلزم نحافظوا عليهم وندافعو عليهم إما كذلك يلزمنا نحترموا الأخر ونحترموا الرأي المخالف إلي تنتقد فيه يمكن يكون خوك ولدك بنتك مرتك راجلك قريبك أستاذك في الجامعة ولا في الليسي ولا حتى العطار الي تشري من عندو في الخبز ويمكن تكون انت أما موشك قابل الحكاية على كل أنا حبيت نعطي رأيي في الموضوع ونعرف ألي برشة موش باش يتوافقوا معايا وهذا إلي نحبوا نوصلّوهوالإختلاف من غير ما نتعداو على حرية بعضنا وإلي تونس مثل أي مجتمع يسعى للتمدّن والتحضّر هي مجرّد فسيفساء من الأشخاص والأديان والمعتقدات والعادات والتقاليد وها المجتمع الفسيفسائي ينجم يبقى قوي بتماسك وتلاحم جميع أجزاءه من غير عنصرية وحقد وانغلا

ليست هناك تعليقات: